Ош шаарында 5-марттан 6-мартка чейин «Агроэкспо-2026» аттуу эл аралык көргөзмө-жарманке өтөт.
Агроөнөр жай министрлигинин маалыматы боюнча, көргөзмөгө катышуучулар агросектордогу акыркы жетишкендиктер жана жергиликтүү климаттык шарттарга ылайыкташтырылган заманбап технологиялар менен таанышышат.
Иш-чаранын алкагында төмөнкү иш-чаралар пландалууда:
* Агрардык техникалар жана инновациялык чечимдердин көрсөтүлүшү;
* Жогорку сапаттагы урук жана көчөттөр;
* Өсүмдүктөрдү тандоо жана отургузуу боюнча мастер-класстар;
* Тамчылатып сугаруу системалары, санариптик суу платформалары, альтернативдүү энергия булактары жана заманбап жылуулоо технологиялары;
* Агротехникалык бизнес үчүн финансылык мүмкүнчүлүктөр;
* Тажрыйбалуу адистерден практикалык сабактар;
* Кызыктуу сыйлыктар менен интерактивдүү лотереялар;
* Жандуу музыкалык коштоолор жана көңүл ачуу программасы.
Уюштуруучулар «Агроэкспо-2026» агропредприятилер, адистер жана фермерлер ортосундагы тажрыйба алмашуу, заманбап технологияларды көрсөтүү жана байланыштарды бекемдөө үчүн мыкты платформа болот деп баса белгилешет.
