Бишкекте жакында болгон өрттөн жабыркагандарга камсыздандыруу сертификаттары тапшырылган салтанаттуу иш-чара өттү.
Иш-чарада мэр Айбек Джунушалиев жана Бишкек шаардык мамлекеттик камсыздандыруу компаниясынын директору Алима Нурланова сертификаттарды шаардыктарга тапшырды.
Компенсация сегиз адамга берилди, ар бирине 1 миллион сомдон бөлүнүп, жалпы суммасы 8 миллион сомду түздү.
Джунушалиев өз сөзүндө, мүлктү камсыздандыруу маанилүү экенин белгилеп, баарына ден-соолук жана бакубаттык каалады.
«Күтүүсүз кырдаалдар ар дайым болушу мүмкүн. Өрт 68 батирди каптады, бирок алардын болгону сегизи биздин уюмда камсыздандырылган. Биз 100% мүлктүн камсыздандырылышын камсыз кылууга аракет кылып жатабыз жана шаардыктардын баарын бул боюнча кам көрүүгө чакырабыз», - деди мэр.
Ошондой эле мэрия окуянын натыйжасында жабыркаган 22 батирге дагы материалдык жардам көрсөттү.
Эскерте кетсек, өрт 2025-жылдын 15-ноябрында Ч. Айтматов проспектиндеги үч кабаттуу турак үйдө болуп, 800 чарчы метрден ашык аянтты камтыган.
