1-мартта Өзгөчө кырдаалдар министрлиги Урматбек Шамырканов, Ак-Талаа районунун акими Мирлан Камчыбеков жана жергиликтүү бийлик өкүлдөрү менен биргеликте Нарын дарыясынын кооптуу участктарын текшерди. Бул тууралуу Өзгөчө кырдаалдар министрлигинин басма сөз кызматы билдирди.
Текшерүү учурунда жергиликтүү тургундар жана айыл чарба жерлери үчүн коркунуч туудурган аймактар изилденди. Ведомстводо, келечекте зарыл чаралар көрүлө тургандыгын белгилешти.
Нарын дарыясынын жээгин бекемдөө жана Тоголок Молдо айыл округундагы калктуу конуштарды коргоо зарылдыгы тууралуу маселе өткөн жылы президент Садыр Жапаровдун катышуусунда IV Элдик курултайда көтөрүлгөндүгүн эске салуу керек.
