Лейлек районунда, Кулунду айылында, 2026-жылдын 3-мартында чек ара коопсуздугуна арналган жумушчу жыйын өттү. Иш-чараны Кыргыз Республикасынын Мамлекеттик чек ара кызматынын төрагасы Абдикарим Алимбаев жетектеди, бул тууралуу ведомствонун маалымат кызматы билдирди.
Жыйындын күн тартибинде кыргыз-тажик чек арасындагы инженердик жабдуулар боюнча иштердин абалы, контрабандага каршы күрөшүү ыкмалары жана учурдагы дүйнөлүк саясий кырдаал талкууланды.
Жыйынга аскер бөлүктөрүнүн командирлери, чек ара бөлүмдөрүнүн өкүлдөрү, ошондой эле Лейлек районунун акими Женишбек Асылбек жана укук коргоо органдарынын кызматкерлери катышты.
Жыйындын жыйынтыгы боюнча чек аранын физикалык жана инженердик коргоосун күчөтүү, профилактикалык иш-чаралардын натыйжалуулугун жогорулатуу жана ар кандай бөлүмдөр ортосунда оперативдик маалымат алмашууну жакшыртуу боюнча так көрсөтмөлөр берилди.
