Күн тартибине 6 маселе киргизилген:
- Каракол шаарынын мэриясынын 2025-жылга социалдык-экономикалык өнүгүү боюнча отчету.
- 2025-жылга Караколдун жергиликтүү бюджетинин аткарылышы боюнча отчет жана такталган планды бекитүү.
- 2026-жылга жергиликтүү бюджетти бекитүү жана 2027–2028-жылдарга болжол.
- 2026-жылдын башында бюджеттин аткарылышынын жыйынтыгы боюнча бош калган каражаттарды бөлүштүрүү.
- Каракол шаардык кеңешинин регламентинин жаңы редакциясын бекитүү.
- Ысык-Көл облусунун ички иштер органдарынын кызматкерлерине ведомстволук турак жай куруу үчүн жер участогун бөлүп берүү.
Биринчи доклад менен Караколдун мэри Каныбек Адиев чыгып сүйлөдү. Ал 2025-жылга шаарды социалдык-экономикалык өнүктүрүү боюнча жыйынтыктарды сунуштады.
Анын айтымында, 2025-жылдын январь–декабрь айларынын жыйынтыгы боюнча Каракол шаарында өнөр жай өндүрүшүнүн көлөмү жалпы 4 млрд 783,2 млн сомду түздү, бул 2024-жылга салыштырганда 667,9 млн сомго көп.
Ошондой эле жыл ичинде 4 жаңы ишкердик субъекттери ачылып, анын натыйжасында 27 шаар тургуну жумуш орундар менен камсыздалды.
Мындан тышкары, мэриянын маалыматы боюнча, 12 айдын ичинде салык түшүүлөрүнүн аткарылышы 101,9% түздү. Пландалган болжол 1 млрд 541,7 млн сом болсо, фактически 1 млрд 571,1 млн сом түшкөн — план 29,4 млн сомго ашык аткарылган.
12 айдын ичинде тартылган инвестициялардын эсебинен Караколдо жалпы суммасы 4 млрд 119,9 млн сомго иштер аткарылганы белгиленет.
