Каттоо 20-марттан 10-апрелге чейин өтөт
Бишкекте өткөн комиссиянын жыйынында 2026-жылга пландалган айыл чарба каттоосуна даярдык боюнча негизги аспектилер талкууланды. Бул тууралуу мэриянын басма сөз кызматы маалымат берди.
Жыйында талкууланган негизги темалардын бири - 2026-жылдын 20-мартынан 10-апрелине чейин өтө турган каттоону уюштуруу боюнча календардык планга ылайык иш-чараларды аткаруу болду.
Ошондой эле жыйында каттоону сапаттуу өткөрүү үчүн координаторлор, контролерлер жана каттоочулар сыяктуу зарыл адистерди тандоо жана тартуу маселелери каралды.
Иш орундарын уюштуруу жана кызматкерлерди керектүү компьютердик жабдыктар менен камсыз кылуу боюнча чаралар талкууланып, тиешелүү чечимдер кабыл алынды.
Жыйналыштын жыйынтыгы боюнча кошумча милдеттер жана алардын аткарылышы үчүн так мөөнөттөр белгиленди, бул 2026-жылдагы айыл чарба каттоосун Бишкекте ийгиликтүү жана убагында өткөрүүгө багытталган.
