Чекиттерде жана жергиликтүү, эл аралык маанидеги авто жолдордо кыймыл эркин. Бул тууралуу Кыргызстандын Транспорт министрлиги билдирет.
Министрликтин маалыматына ылайык, 2026-жылдын 12-мартында Чыйырчык, Талдык, Тон-Мурун чекиттеринде, Ош–Сары-Таш-Эркечтам жана Ала-Бука-Жаны-Базар-Кировка авто жолдорунда өтүү ачык. Ошондой эле Бишкек-Ош трассасында Тоо-Ашуу, Ала-Бел жана Кок-Бел чекиттери аркылуу унаалар эркин өтүүдө, Боом капчыгайында, Мырзаке-Кара-Кулжа-Алайкуу жолунда, ошондой эле Бишкек-Нарын-Торугарт маршруту боюнча Долон, Чар, Ак-Бейит, Туз-Бел, Кубакы жана Кызыл-Бел чекиттеринде кыймыл активдүү. Мындан тышкары, Тараз-Талас-Суусамыр авто жолундагы Отмок чекитинде жана Туп-Кеген жолунда кыймыл жандуу.
Министрликтин жол эксплуатация кызматкерлеринин адистери түнү-бүткүл иштеп, жолдорду кардан тазалап, музга каршы материалдарды колдонуп, кар көчкүларын жоюу менен алектенишет.
