Министрлер кабинетинин төрагасы Адылбек Касымалиев Иссык-Куль облусуна болгон сапарынын учурунда Караколдо иштеген жаш дарыгерлерге турак жай берүү боюнча тапшырма берди.
Сапарынын алкагында ал облустук бириктирилген оорукананы да зыярат кылып, реанимация жана хирургия бөлүмдөрүн карап чыкты. Кабмин башчысы медициналык жабдыктардын абалы жана бейтаптардын дарылануу шарттары менен таанышып, 350 орундуу жаңы оорукананын имаратынын курулушун текшерди.
Мындан тышкары, Касымалиев жаш дарыгерлерге мамлекеттик ипотекалык кредит берүү программасынын алкагында батирлерди берүү маселесин уюштурууну тапшырды жана медициналык кызматкерлер үчүн кызматтык турак жай куруу мүмкүнчүлүгүн карап чыгууну сунуштады.
