Ош шаарынын мэри Жанарбек Акаев Толгоян айылындагы санаторийди ремонттук иштердин учурдагы абалын баалоо үчүн барып көрдү.
Мэриянын маалыматына ылайык, шаар башчысы жооптуу кызматкерлерге курулуш иштеринин жогорку сапатын камсыз кылуу жана алардын мөөнөтүн сактоо тапшырмасын койду.
Ал мындай мекемелерди модернизациялоо жергиликтүү тургундардын ден соолугун жакшыртууга гана эмес, шаарга келген коноктор үчүн да ыңгайлуу шарттарды түзүүгө жардам берерин баса белгиледи.
Санаторий жалпы аянты 3300 квадрат метрди түзгөн төрт кабаттуу имарат болуп саналат. Реконструкциялоо иштери 2025-жылдын сентябрында башталган, учурда керектүү иш чаралардын 70%ы аякталды. Чатыры толугу менен алмаштырылды, ошондой эле жаңы терезелер жана эшиктерди орнотуу менен ички жана тышкы оңдоо иштерин жүргүзүүдө.
Мындан тышкары, жылуулук, электр жана өрт коопсуздугу системалары модернизацияланууда. Жобого ылайык, имаратта жаңы мебель жана лифт орнотулат.
