Соңку үч жыл ичинде Жалал-Абаддагы энергетиктердин автопаркы 66 унаа менен көбөйгөнү тууралуу Энергетика министрлиги билдирет.
Ведомствонун маалыматына ылайык, жаңыланган техника «НЭСК» акционердик коомунун ички ресурстарынын эсебинен сатып алынган жана энергетика тармагындагы ар кандай тапшырмаларды аткаруу үчүн колдонулат. Алынган унаалардын арасында электр тармактарын тейлөө, авариялык кырдаалдарды тез арада жоюу жана оңдоо үчүн зарыл болгон атайын машиналар жана жабдуулар бар.
Соңку үч жыл ичинде Жалал-Абад ПЭС үчүн төмөнкү техникалар кошулган:
- 15 даана Chevrolet Cobalt;
- 6 даана JAC T8;
- 16 даана FAW (ар кандай моделдер);
- 7 даана FAW NEXT CA4133;
- 4 даана Chevrolet Damas;
- 4 даана Hyundai Sonata;
- 3 даана Hyundai Porter;
- 2 даана K5;
- 3 даана DONGFENG;
- 1 даана ISUZU;
- 1 даана JAC N56;
- 1 даана SANY STC500H (автокран);
- 3 даана XGMA XG777A (экскаватор-погрузчик).
Бүгүнкү күндө Жалал-Абад электр тармактарынын ишканасы 257 даана техникага ээ.
Мурдагы иштер аймакта негизинен эски жабдуулар менен жүргүзүлчү. Бирок акыркы жылдары автопарктын жаңыланышы жана заманбап жабдуулардын пайдаланууга берилүүсү менен электр тармактарын тейлөө, аварияларды жоюу жана оңдоо иштерин жүргүзүү кыйла жеңилдеди. Бул, өз кезегинде, энергетиктердин эмгек шарттарын жакшыртып, иштердин ылдамдыгын жана сапатын жогорулатууга алып келди, бул болсо калкты ишенимдүү жана сапаттуу электр энергиясы менен камсыз кылат.
