Укук коргоо органдарынын маалыматына ылайык, бул иш-чаралардын максаты үй-бүлөлүк зомбулуктун алдын алуу, «Арсенал» операциясы учурунда укук бузууларды азайтуу, ошондой эле жарандарды интернет-алаяктардан коргоо болуп саналат.
Түшүндүрүү сүйлөшүүлөрүнүн жүрүшүндө жергиликтүү тургундар акыркы убакта алаяктар көп кездешип жаткандыгы тууралуу маалымат алышты. Жаман ниеттүүлөр ар кандай мессенджерлерди, социалдык тармактарды жана телефон чалууну колдонуп, өздөрүн жакын же тааныш катары көрсөтүп, финансылык жардам сурашат. Ошондой эле шектүү шилтемелер аркылуу жеке маалыматтарды жана банк маалыматтарын алдап алуу аракеттери катталууда.
Бул боюнча милиция жарандарга төмөнкү коопсуздук чараларын сактоону сунуштайт:
- шектүү шилтемелерге өтүүдөн качуу;
- белгисиз номерлерден келген билдирүүлөргө же SMS'терге ишенбөө;
- тааныштардын атынан билдирүү же чалуу алганда, маалыматты текшерүү үчүн кайра чалуу;
- банктын карталарынын номерлерин, коддорун жана жеке маалыматтарды эч качан билдирбөө;
- шектүү чалууну жана билдирүүлөрдү эске албоо жана алардын чындыктыгын текшерүү.
«Эгер сиз же сиздин жакындарыңыз интернет-алаяктарга курман болсо, дароо милицияга кайрылыңыз», - деп белгиленет билдирүүдө.
Укук коргоо органдары жарандарды көңүл бурууга жана өзүнүн жеке маалыматтарын коргоого өзгөчө көңүл бурууга чакырууда.
