2022-жылы президент Садыр Жапаровдун демилгеси менен ишке киргизилген «Социалдык контракт» долбоорунун алкагында 48 557 контракт үй-бүлөлөр менен түзүлгөн. Бул маалымат «Элден Собол» берүүсүндө Эмгек, социалдык камсыздандыруу жана миграция министрлигинин жумуш менен камсыздоо башкармалыгынын адиси Жалын Токтосунов тарабынан айтылды.
Токтосуновдун айтымында, программага катышуучулардын арасында аялдар, айрыкча айылдык жерлерден 94,2% түзөт. Үй-бүлөлөр социалдык жардамды алган негизги багыттар айыл чарба, өндүрүш, кызмат көрсөтүүлөр жана мал чарбачылык болуп саналат.
Социалдык контракттарды биринчи болуп түзгөн үй-бүлөлөр стабилдүү финансылык абалга жетишти. Алардын ай сайынгы кирешеси 30-35 миң сомдон кем эмес.
«Биздин маалыматтар боюнча, быйыл 14 үй-бүлө 1 миллион сомдон ашык киреше тапкан. Алар өздөрүн жумуш менен камсыз кылып гана тим болбостон, 51 миңден ашык жаңы жумуш орундарын түзүп, бул программа аркылуу 203 миңден ашык жарандардын жашоо шарттарын жакшыртышты», - деп кошумчалады Токтосунов.
