Turmush агенттигинин кабарчысы берген маалыматка ылайык, акцияга Ош шаарынын вице-мэри, шаардык Ички иштер башкармалыгынын начальниги, казы Самидин Атабаев, ошондой эле жүргүнчү ташуу менен алектенген айдоочулар, мектеп окуучулары жана студенттер катышты.
Бул иш-чараны Кыргыз Республикасынын Ички иштер министрлигинин жол кыймылынын коопсуздугун камсыздоо боюнча Башкы башкармалыгы уюштурду.
Маалыматка ылайык, 2500 нускадагы брошюра даярдалган, алар айдоочуларга жана жөө адамдарга таратылат. Акциянын максаты жол кыймылынын эрежелерин сактоону жогорулатуу жана жол кырсыктарынын алдын алуу болуп саналат.
