Бул кампаниянын биринчи этабы Жумгаль районунда башталды, анда 36 каттоочу жана 7 инструктор өз ишин баштады.
Каттоонун расмий ачылышын Улуттук статистика комитетинин өкүлдөрү жана жергиликтүү жетекчилик өткөрдү. Ар бир он жылда өткөрүлүп турган бул иш-чаранын максаты - жер ресурстары, мал саны, айыл чарба техникалары жана өндүрүш көлөмү боюнча так маалыматтарды топтоо.
Каттоо алкагында маалыматтар төмөнкү категориялар боюнча электрондук маалымат базасына киргизилет:
- Айыл чарба жерлеринин жана себүү аянттарынын аянты;
- Мал жана куштардын саны;
- Арачычылык боюнча маалыматтар;
- Специализацияланган техника жана жабдуулардын болушу.
Үй-үйдү кыдыруу даярдык көргөн адистер тарабынан жүргүзүлөт, алар айыл чарба менен алектенген ар бир үй-бүлөгө, ошондой эле фермердик жана дыйкан чарбаларына барып, электрондук анкета аркылуу маалыматтарды чогултат.
Уюштуруучулар калк тарабынан берилген бардык маалыматтар катуу купуялыктын шартында сакталарын баса белгилешет. Мамлекет жеке маалыматтарды коргоо жана статистикалык маалыматтын сырын сактоону камсыз кылат.
Каттоо учурунда чогултулган маалыматтар агрардык сектордун абалын талдоо жана анын региондогу келечектеги өнүгүүсүн пландаштыруунун негизин түзөт.
