Иш-чарага жергиликтүү тургундар, облустун бардык бурчтарынан келгендер катышты.
Сүмөлөка даярдоо төмөнкүдөй уюштурулду:
8 казан Нарын шаарынан,
8 казан Ак-Тал районунан,
14 казан Ат-Баши районунан,
10 казан Нарын районунан,
жана 1 казан сүмөлөка Кочкор районунан.
Иш-чарага катышуучулардын жалпы саны эки миңден ашык адамды түздү.
Конкурстун жыйынтыгы боюнча, калыстар жюри Нарын шаарындагы «Ата-Түрк» бала бакчасынын командасы даярдаган сүмөлөккө биринчи орун берди, ал 100 миң сомдук акчалай сыйлык алды.
Экинчи орунду Ак-Тал районунан келген №35 казандын сүмөлөкү ээледи, ал 50 миң сом менен сыйланды. Үчүнчү орун Ат-Баши районунан келген №17 казандын сүмөлөкү алды, анын катышуучулары 30 миң сом алышты.
Мындан тышкары, 20-мартта ар бир 41 казанга 10 миң сомдон бөлүнүп берилди.
Сүмөлөка конкурсуна 1 млн 500 миң сом сарпталды, анын ичинен 590 миң сом сыйлык фондуна жумшалды.
