21-мартка белгиленген майрамга 14 казан сүмөлөк жана 3 казан көжө даярдалган. Мындан тышкары, улуттук тамак-аштардын көргөзмөсү жана жергиликтүү кол өнөрчүлөрдүн эмгектерин көрсөтүү уюштурулган.
Ак-Тал райондук Маданият үйүнүн артисттери, Нурак Абдрахманов атындагы балдар музыкалык мектеби жана Жалиль Сыдыков атындагы балдар билим берүү борборунун жамааттары, ошондой эле «Шайыр апалар» элдик тобу жана белгилүү аткаруучулар көрүүчүлөргө бай концерттик программа сунушташты.
Иш-чаранын аягында ар кандай конкурстардын жеңүүчүлөрү жана активдүү катышуучулар акчалай сыйлыктар менен сыйланды.
