Түз эфирде Биринчи радио аркылуу Кыргызстандын саламаттык сактоо министринин биринчи орун басары Тилек Мамадалиев медициналык кызматкерлердин айлык акысы эки эсе көбөйөрүн билдирди.
Ал акыркы беш жылда өкмөт саламаттык сактоо тармагына олуттуу көңүл буруп жатканын белгиледи.
«Мамлекет айлык акыларды көтөрүп гана тим болбостон, элдин ден соолугун камсыз кылуу үчүн саламаттык сактоо системасын активдүү өнүктүрүүдө. Аймактардагы медициналык кадрлардын жетишсиздиги, адатта, финансылык маселелер менен байланыштуу болчу. Учурда айлык акылар 100% га көбөйтүлүүдө.
Бул алыстагы райондорго адистерди тартууга, ошондой эле шаарлардан дарыгерлерди жөнөтүүгө мүмкүндүк берет. Мындан тышкары, акыркы эки жылда айрым медициналык кесиптердин өкүлдөрү 20 миң сом өлчөмүндө кошумча төлөм алышууда. Ошондой эле, мурда үч айда 33 миң сом өлчөмүндө төлөнүп келген дарыгердик депозит азыр 66 миң сомду түзөт», - деп кошумчалады ал.
