Эмгек, социалдык камсыздандыруу жана миграция министрлигинин кызматкерлери Ички иштер министрлиги менен биргеликте Кыргыз Республикасының жарандарын Россия Федерациясында мыйзамсыз жумушка орноштуруу аракетин токтотушту.
Министрликтин маалыматы боюнча, чет өлкөдө жумушка орноштуруу үчүн жарандарды массалык түрдө кабыл алуу Бишкектеги Кадырбай-Ата көчөсү, 1 дарегинде уюштурулган.
Текшерүү жүргүзүлгөндөн кийин уюштуруучуларга Кыргыз Республикасындагы укук бузуулар жөнүндө кодексинин 95-беренеси боюнча административдик протокол түзүлдү, ал мыйзамсыз жумушка орноштуруу иши менен байланыштуу. Ошондой эле катышуучулар жана уюштуруучулар менен мыйзамдуу эмгек миграциясынын эрежелери жана чет өлкөдө расмий жумушка орношуу мүмкүнчүлүктөрү боюнча түшүндүрүү сүйлөшүүлөрү өткөрүлдү.
Жумушка орноштуруу борбору Кыргыз Республикасынын жарандарын чет өлкөдө жумушка орноштуруу үчүн тиешелүү уруксаттын болушу зарылдыгын эскертет. Жарандарга https://migrant.kg сайтында агенттиктердин легалдуулугун текшерүү сунушталат.
