Жалпы прокурордун орун басары Залкарбек Акназаров менен Эл аралык валюта фондунун делегациясы ортосундагы жолугушуу жакында болуп өттү.
Жолугушуунун учурунда катышуучулар коррупцияга, уюшкан кылмыштуулукка жана салык мыйзам бузууларга каршы күрөшүү сыяктуу маанилүү аспекттерди талкуулашты. Ошондой эле мыйзамсыз кирешелерди легалдаштыруу боюнча териштирүүлөрдүн натыйжалуулугун жогорулатуу чаралары жөнүндө да сөз болду.
Жолугушууда Кыргыз Республикасындагы 2025–2030-жылдарга карата Антикоррупциялык стратегияны ишке ашыруу, финансылык чалгындоо органдары менен кызматташуу, ошондой эле татаал транснационалдык финансылык кылмыштарды териштирүү жана прокуратуранын институционалдык мүмкүнчүлүктөрүн күчөтүү боюнча басым жасалды.
Жолугушуунун жыйынтыгы боюнча катышуучулар конструктивдүү диалогду улантуунун зарылдыгын белгилешти жана кызматташтыкты тереңдетүүгө даяр экендиктерин билдиришти.
