Мурда Кыргызстан жана Тажикстан футболчулары 2013-жылы жолугушкан. Анда Тажикстан командасы 4:1 эсебинде жеңишке жеткен. Оюн абдан катаал обстановкада өтүп, массалык мушташ менен аяктоо коркунучу болгон.
Алгачкы таймдын 8-мүнөтүндө Кыргызстан командасынын оюнчусу Азамат Байматов Тажикстандын дарбазасына гол киргизди. Экинчи таймда 67-мүнөттө Тажикстан командасынын 21-номери Н.Джалилов Кыргызстан командасынын дарбазасына гол киргизди. Үч мүнөттөн кийин Тажикстан оюнчулары Кыргызстанга каршы пенальтини ийгиликтүү аткарып, эсепти 1:2 кылып өзгөртүштү.
Экинчи таймдан кийин кошумча убакыттын акыркы мүнөтүндө, Кыргызстан командасынын чабуулчусу Антон Землянухин пенальтини ийгиликтүү аткарып, эсепти 2:2 кылып теңдештирди.
Беш турдун жыйынтыгы боюнча Австралия 9 упай менен топто биринчи орунда. Экинчи орунда Иордания (7 упай), андан кийин Кыргызстан (5 упай), Тажикстан (2 упай) жана Бангладеш (1 упай) командалары жайгашкан.
