Премьер-лигадан 25-турдун оюну 4-ноябрда Караколдогу «Ынтымак арена» стадионунда өтүшү пландалган, бирок кар жаашынын себебинен 5-ноябрга жылдырылган. Бирок 5-ноябрда да стадиондон карды толук тазалап алуу мүмкүн болбой, матчтын кайрадан жылдырылышына алып келди.
Учурда Кыргызстандын Футбол Премьер-лигасынан оюндун жаңы датасы тууралуу маалымат келген жок.
Ошондой эле, 8-ноябрда Караколдо 26-турдун оюну пландалганын жана анда «Барс» командасы «Талант» командасы менен беттешээрин белгилеп өтүү керек.
