Бүгүн өткөн пресс-конференцияда Кыргызстандын жаңы башкы тренери Роберт Просинечки Азия менен Европа ортосундагы маданий айырмачылыктарга карабастан, эки менталитеттин күчтүү жактарын бириктирүү менен маанилүү жетишкендиктерге жетүүгө болорун ишенимдүү айтты.
Ал ошондой эле, чабуулчу позициясында ойногон тажрыйбасы менен, чабуулчу стильдеги оюнду артык көрөрүн кошумчалады. «Бирок, көп нерсе атаандаштан, конкреттүү турнирдэн жана пайда болгон кырдаалдардан көз каранды болот. Эң негизгиси, биздин футболчулар улуттук команда үчүн ойногонго каалоолору болушу керек. Калганы кырдаалдарга жана оюнчулардын менин көрсөтмөлөрүмдү канчалык аткарышына байланыштуу болот», — деп баса белгиледи башкы тренер.
Контракттын мөөнөтү бир жыл жана бир айды түзөт, жана эгер Кыргызстандын улуттук командасы 2027-жылдагы Азия Кубогунда ийгиликтүү оюн көрсөтсө, ал үч жылга узартылат.Кыргыз футбол федерациясынын президенти Камчыбек Ташиев Роберт Просинечкинин келишин команда үчүн жаңы импульс болот деп ишенет. Анын айтымында, улуттук команданын алдында олуттуу милдеттер турат жана жаңы жетекчинин жетекчилиги астында маанилүү өзгөрүүлөр күтүлүүдө.
Эскерте кетсек, дайындалганы тууралуу маалыматты КФС президенти Камчыбек Ташиев өзү жаңы башкы тренерди тааныштырган.
