Pro Swim Series мелдеши 14-январдан 18-январга чейин Техас штатындагы Остин шаарында өттү. Петрашов үч заплышка катышты.
100 метр брасс боюнча финалдык заплыш 15-январда эртең менен өтүп, кыргызстандык спортчу экинчи болуп финишке чыкты жана күмүш медаль алды. Ал америкалык сүзүүчү Матиас Ванга болгону 0,1 секунд менен жеңилип калды.
Турнирдин кийинки этабы 17-январда өтүп, Петрашов дагы мыкты жыйынтык көрсөтүп, 50 метр брасс боюнча 27,12 секунд менен финишке чыкты. Бул жолу ал кайрадан экинчи орунду ээлеп, Ванга жеңилип калды.
Ошол эле күнү 200 метр брасс боюнча заплыштар башталып, Петрашов алдын ала мелдештерден ийгиликтүү өтүп, финалга чыкты.
Бул аралыктагы финал 18-январда өтүп, Денис дагы экинчи орунду ээлеп, турнирдеги үчүнчү күмүш медалын утуп алды. Аны Франциядан келген төрт жолку олимпиада чемпиону жана жети жолку дүйнө чемпиону Леон Маршан алдыга өтүп кетти.
