Pro Swim Series турнири азыркы учурда Техас штатынын Остин шаарында өтүп жатат.
100 метр брасс дистанциясындагы мелдеш 14-январда башталды. Алдын ала сүзүүдө Петрашов экинчи убакытты көрсөтүп, финалга өтүүгө мүмкүнчүлүк алды.
Финалдык сүзүү 15-январь эртең менен өтүп, кыргызстандык 59,55 секундда дистанцияны жыйынтыктап, экинчи орунду алып, күмүш медаль алды.
Бул сүзүүдө биринчи орунду 59,45 секунд менен Америкадан Ван Матиас ээледи.
Мындан тышкары, Денис Петрашов бул турнирдын алкагында 50 жана 200 метр брасс боюнча да мелдештерге катышат.
«Бул турнире Олимпиада оюндарына 2028-жылы даярданып жаткан көптөгөн күчтүү спортчулар чогулган. Катышуучулардын арасында Америкадан келген көптөгөн Олимпиада чемпиондору, ошондой эле Леон Маршан менен Франция командасы толук курамы менен бар. Казакстан командасы тогуз спортчудан турат, алар да Америкада машыгышат. Бизге да Денис даярдана тургандыгы үчүн Спорт мамлекеттик агенттигинен колдоо убада кылынды», - деп бөлүштү Кыргызстандын командасынын башкы машыктыруучусу даярдык боюнча абал тууралуу.
