Ливаза 63,5 кг салмак категориясында 1/16 финалдан баштады.
Алгачкы беттеште 21 жаштагы боксчу Өзбекстандан келген атаандашына каршы жеңишке жетти, андан кийин 1/8 финалда Армениялык спортчуну жеңди. Четвертьфиналда кыргызстандык Азербайджандан келген боксчу менен беттешип, судьялардын бөлөк чечими менен жеңди.
Жарым финалда Ливаза Замбиянын өкүлүнө каршы рингге чыгып, мыкты техникасын көрсөтүп, судьялардын бир добуштуу чечими менен жеңишке жетти — 5:0.
Ошентип, ал Кыргызстан тарыхында чоңдор арасында дүйнө чемпионатынын финалына чыккан биринчи боксчу болду.
Финалдык беттеш 13-декабрда болуп, кыргызстандык Россиянын учурдагы чемпиону Илья Попов менен беттешти.
Үч раунддун жыйынтыгында судьялар россиялыкка жеңишти бир добуштуу чечим менен беришти.
Натыйжада Омар Ливаза экинчи орунду алып, күмүш медальды ээледи.
Ошондой эле, 71 кг салмак категориясында Ихтияр Нишонов үчүнчү орунду алып, бронзалык медальды ээледи.
Ливазанын турниринин сеткасы:
1/16 финал
Омар Ливаза - Саят Ильясов (Өзбекстан) — 5:0
1/8 финал
Нарек Ховханнисян (Армения) - Омар Ливаза — 2:3
1/4 финал
Максуд Хасметов (Азербайджан) - Омар Ливаза — 1:4
Жарым финал
Омар Ливаза - Эммануэль Катема (Замбия) — 5:0
Финал
Омар Ливаза - Илья Попов (Россия) — 0:5
