IBA тарабынан уюштурулган турнирге ар кандай өлкөлөрдөн катышуучулар чогулду.
71 кг категориясында Нишонов өз жолун 1/16 финалдан баштады.
Турнирдеги дебюттук беттешинде кыргызстандык спортчу австралиялыкты 22 секундда нокаутка учуруп, ылдам жеңишке жетишти.
1/8 финал стадиясында Нишонов дагы бир жолу өзүнүн жөндөмүн көрсөтүп, Тайланддан келген атаандашын экинчи раундда токтотуп, чейрек финалга өтүүгө мүмкүнчүлүк алды. Кийинки беттешинде аны Молдованын өкүлү күтүп турат.
Нишоновдон тышкары, чейрек финалга Омар Ливаза (63,5 кг чейин) жана Мырзакир Кошалиев (92 кг жогору) да өтүштү.
Нишоновдун беттештеринин графиги:
1/16 финал:
Ихтияр Нишонов - Алекс Скантзос (Австралия) — Нишоновдун биринчи раундда нокаут менен жеңиши.
1/8 финал:
Виттхая Чансом (Тайланд) - Ихтияр Нишонов — Нишоновдун экинчи раундда нокаут менен жеңиши.
1/4 финал:
Василий Чеботари (Молдова) - Ихтияр Нишонов.
