Махмудов грек-рим күрөшүндө 77 килограммга чейинки салмак категориясында чыгууда.
Ал өз жолун 1/8 финалдан баштады, анда Тунис балбанына каршы ишенимдүү жеңишке жетишти.
1/4 финалдык беттеште Акжол Египет спортчусу менен кездешти, анын командасы учурда кыргызстандык Азат Эркимбаевдин жетекчилигинде машыгууда. Бул беттеште Махмудов 9:0 эсебинде жеңишке жетип, жарым финалга чыкты.
Мындан тышкары, дагы бир кыргызстандык, Асан Жанышов, 87 килограммга чейинки салмак категориясында жарым финалга өттү. Ал өз жолун 1/8 финалдан баштап, Өзбекстан өкүлүн жеңди.
Кийинки раунда Асан Түркиялык каршылашына каршы ишенимдүү жеңишке жетип, жарым финалга чыгууга мүмкүнчүлүк алды.
