Жакында кыргызстандык дзюдочулар командасы командалык микст категориясында Казакстан командасын жеңип, коло медалдарды утуп алышты.
Мындан тышкары, мурда Кыргызстандык дзюдочулар Жанар Жолдошева (57 килограммга чейинки салмак категориясында) жана Адина Кочконбаева (63 килограммга чейинки салмак категориясында) күмүш медалдардын ээси болушту. Ошондой эле боксчу Нурадин Рустамбек уулу ошол эле күнү күмүш медаль утту.
7-ноябрдан 21-ноябрга чейин Эр-Рияд шаарында VI Ислам ынтымагы оюндары өтүп, анда Кыргызстандан 90 спортчу 19 спорт түрүндө, анын ичинде үч паралимпиялык дисциплинада атаандашууда.
