23 жашка чейинки спортчулар үчүн мелдеш 20-октябрдан 27-октябрга чейин Новом Садда өттү.
Кыргызстан командасына грек-рим жана эркин күрөш боюнча эркектер жана аялдардан 23 балбан кирди.
Натыйжада кыргызстандыктар 4 медаль утушту: бир алтын, бир күмүш жана эки коло.
Нурзат Нуртаева жеңишке жетип, 72 кг салмак категориясында дүйнө чемпиону болду, ал эми Өмүрбек Асан уулу 61 кг салмак категориясында күмүш медаль утту.
Коло медалдар Билол Шарип уулу (65 кг салмак) жана Гулнура Таштанбекова (68 кг салмак) тарабынан утулду.
Грек-рим күрөш боюнча команда бул турнирдеги медалдарды утуп ала алган жок.
