Спортчу 68 килограммга чейинки салмак категориясында чыгууда. Ал өзүнүн чыгышын 1/8 финалдан баштады, анда мексикалык Дебани Гарсияны жеңди. Андан кийин 1/4 финалда Гулнура италиялык Лаура Гадинон жеңди. Тилекке каршы, жарым финалда ал Түркиянын Нерсин Басына 6:8 эсебинде утулуп калды.
Эми Гулнура Таштанбекова коло медаль үчүн күрөшөт. Бул беттеште анын атаандашы Польшадан Каролина Домасзук менен Германиядан Герда Барздын ортосундагы жеңүүчү болот.
Мындан тышкары, мурда маалым болгондой, Кыргызстандын дагы бир өкүлү Нурзат Нуртаева жаштар арасындагы күрөш боюнча дүйнө чемпионатында алтын медаль утту.
