Кыргызстандык жигит атчылар жана жокейлердин дүйнө кубогунун этабында күмүш медаль утту.
Москвадагы (Россия) ипподромдо Жерорта жана Кара деңиз өлкөлөрүнүн күлүк жана жокейлер чемпионаты өттү, бул дүйнөлүк кубоктун этаптарынын бири болуп саналат.
Мамлекеттик физкультура жана спорт агенттигинин басма сөз кызматынан билдиришкендей, мелдешке Россия, Кыргызстан, Казахстан, Италия, Мальта, Сербия, Украина жана Франциядан келген сегиз өлкөнүн өкүлдөрү катышты.
Жокейлердин мелдеши 2 000 метр аралыкта бир жарыштан турду. Бул жарышта Кыргызстандык жокей Тойчубек Жусуп уулу Джохорджаш атында экинчи орунду ээледи.
Чемпион болуп Россиялык жокей Александр Чугуевец аталды, коло медальды Франциядан келген Прод`хомм Паулин утту.
