23 жашка чейинки спортчулар үчүн өткөрүлгөн турнир Новом Садда өтүп, Асан уулу 61 кг салмак категориясында эркин күрөш боюнча мелдештерге катышууда.
Ал Кытай, Болгария, Албания жана Түркиядан келген каршылаштарына каршы төрт жолу жеңишке жетип, турнирдин финалдык бөлүгүнө өттү.
Алтын медаль үчүн чечүүчү беттеште америкалык күрөшчү Джэксон Патрик Форрест менен жолукмакчы.
19 жаштагы Форрест Панамерика чемпиону болуп, сентябрда чоңдор арасында өткөн дүйнө чемпионатында 5-орунду ээлеп, Тайырбек Жумашбек уулуна каршы чейрек финалда жеңишке жеткен.
65 кг салмак категориясында болсо Билол Шарип уулу жарым финалга өтө албай, эми коло медаль жана 3-орун үчүн күрөшөт.
Финалдык беттештер Бишкектин убактысы боюнча 22:00дө башталат.
61 кг салмак категориясындагы беттештердин жыйынтыктары:
1/16 финал
Өмүрбек Асан уулу - Yongquan Luo (Кытай) — 11:0
1/8 финал
Өмүрбек Асан уулу - Эрдал Шукри Галип (Болгария) — 12:0
1/4 финал
Өмүрбек Асан уулу - Эндрио Авдили (Албания) — 12:2
Жарым финал
Толга Озбек (Түркия) - Өмүрбек Асан уулу — 1:12
Финал
Өмүрбек Асан уулу - Джэксон Патрик Форрест (АКШ)
