Кыргызстандык спортчу Асан уулу Омурбек Нови-Сад, Сербияда өтүп жаткан жаштардын дүйнөлүк чемпионатында эркин күрөш боюнча күмүш медаль утту. Бул тууралуу UWWнин расмий сайтында маалымдалды.
61 килограмм салмак категориясындагы финалдык беттеште биздин мекендешибиз америкалык күрөшчү Джаксен Патрик Форрестке 12:17 эсебинде утулду.
Алдынкы раунддарда Асан уулу Кытай, Болгария, Албания жана Түркиядан келген спортчуларды жеңип, жалпы 47:3 натыйжасы менен таасирдүү жеңиштерди камсыз кылды.
Ошондой эле, Кыргызстандыктардын дагы бир өкүлү Шарип уулу Билол 65 килограмм салмак категориясында коло медаль үчүн күрөшөт.
