Бокс турниринде 70 кг салмак категориясында Кыргызстандан Нурадин Рустамбек уулу чечүүчү беттеште иордандык Зейад Ишаишка утулду.
Турнирдин алкагында ал Түркия жана Египет боксчуларына каршы жеңишке жетишкен.
Соревнованиянын биринчи күндөрүндө Кыргызстандан дзюдочулар Жанар Жолдошева (57 кг чейин) жана Адина Кочконбаева (63 кг чейин) күмүш медалдарды утуп алышты.
VI Исламдык биримдик оюндары Эр-Риядда 7-ноябрдан 21-ноябрга чейин өтөт жана 19 спорт түрүн камтыйт, алардын арасында үч паралимпиялык дисциплина бар. Соревнованияга Кыргызстандан 90 өкүл катышат.
