Спортчу Кыргызстанды грек-рим күрөшүндө 77 кг салмак категориясында көрсөтүп, 1/8 финалдан баштады.
Алгачкы этапта Тунис спортчусун жеңип, андан кийин Египеттик атаандашын жеңди. Жарым финалда Махмудов Катарды көрсөтүп жаткан ирандык спортчу менен беттешип, кыйын күрөштө жеңишти камсыз кылды.
Финалдык беттеште кыргызстандык дагы бир ирандык менен жолукты.
Махмудов туше менен жеңишке жетип, алтын медальды жеңип алды.
Бул медаль Кыргызстан үчүн учурдагы Ислам оюндарынын алгачкы медалы болду.
77 кг салмак категориясындагы беттештердин жыйынтыктары:
1/8 финал
Акжол Махмудов - Сами Слама (Тунис) — 9:0
1/4 финал
Йехья Абделькадер (Египет) - Акжол Махмудов — 0:9
1/2 финал
Акжол Махмудов - Шахин Бадагимофрад (Катар) — 5:3
Финал
Акжол Махмудов - Абди Амир (Иран) — Махмудовдун туше менен жеңиши
