Дубайда өтүп жаткан бокс боюнча дүйнө чемпионатында кыргызстандык боксчу Омар Ливаза күмүш медаль утту. Бул тууралуу өлкөнүн бокс федерациясы билдирди.
63,5 килограмм салмак категориясындагы финалда Ливаза Россиялык Илья Поповго жеңилди.
Турнирдин жеңүүчүсү $300 миң суммадагы сертификат алды, ал эми күмүш медаль уткан спортчу - $150 миң.
Финалга жетүү жолунда Омар Ливаза Өзбекстан, Армения, Азербайжан жана Замбиядан келген спортчуларды жеңди.
Мындан тышкары, Кыргызстанды дагы бир өкүл, Ихтияр Нишонов, ошол эле чемпионатта коло медаль утту.
