Казарман айылындагы жалпы билим берүү мекемелеринин 7–8–9-класстарынын командалары катышты: Тоту Мойдунов атындагы №1 мектеп, Асан Абдраимов атындагы №2 мектеп жана Иманберди уулу Иса атындагы №4 мектеп.
Райондук билим берүү бөлүмүнүн жетекчиси Бактыбек Таалайбековдун түшүндүрмөсүнө ылайык, бул мелдеш Тогуз-Тороу районунун негизделгенине 90 жыл толуусуна арналган. Иш-чара жаштар арасында достук байланыштарды түзүүгө, кылмыштуу көрүнүштөрдү, буллингди жана зомбулукту алдын алууга, ошондой эле киберкоопсуздукту жогорулатууга, бош убакытты туура пайдаланууга жана дене тарбияны жайылтууга, кышкы спорттун түрлөрүн жана кышкы туризмди өнүктүрүүгө багытталган.
