Анталияда Кыргыз футбол союзунун судьялары үчүн окуу жыйыны өтүп жатат, ал 2-февралдан 18-февралга чейин уланат.
КФСтин маалымат кызматы билдиргендей, иш-чарага 18 негизги судья жана 24 жардамчы, ошондой эле 7 инструктор, врач-массажист жана Азия футбол конфедерациясынан (АФК) чакырылган адис катышууда.
Окуу программасы физикалык машыгууларды, теориялык сабактарды, оюн учурларын видео аркылуу талдоону, практикалык көнүгүүлөрдү жана матчтарды тейлөөнү камтыйт.
Мындан тышкары, судьялардын даярдык деңгээлин баалоо үчүн оюн эрежелерин билүү боюнча тесттер, VAR системасы менен иштөө боюнча тесттер жана физикалык даярдык боюнча контролдук нормалар каралган.
