Асакеевдин айтымында, чуркоо лыжалары тоо лыжаларына салыштырмалуу коопсуз жана ден соолукка пайдалуу спорттун түрү болуп саналат.
Ал ошондой эле бул эки лыжа спорту түрүнүн негизги айырмачылыктарын белгилеп, чуркоо лыжаларына болгон кызыгуунун өсүшү тууралуу айтып берди:
«Эгерде тоо лыжалары адреналин тартууласа, алар кооптуу болушу мүмкүн. Чуркоо лыжалары болсо тегиз жерлерде түшүү үчүн ылайыктуу жана 6 жаштан баштап машыгууга болот. Биздин клубда күн сайын 15тей спортчу машыгат, ал эми бул спорттун түрүн сынап көрүүгө кызыккан адамдардын саны кыйла көп. Биз ошондой эле лыжачыларды шыктандыруу жана тажрыйба алмашуу мүмкүнчүлүгүн түзүү үчүн жакын арада республикалык мелдештерди уюштурууну пландап жатабыз», - деди А. Асакеев.
