«Мен Иссык-Куль облусунда армрестлинг боюнча балдарды бир нече жылдан бери машыктырып келем. Азыр Жети-Огуз районунда 30 бала машыгууда. Алардын ондон ашыгы Кыргызстандын армрестлинг боюнча курама командасына кирет.
Бизде жаштардын бул спорттун түрүнө кызыгуусу өзгөчө өсүп жатат», - деди ал.
Анын айтымында, 30-январдан 7-февралга чейин Ташкент шаарында (Өзбекстан) армрестлинг боюнча мелдештер өтүп, алар катышкан. «Сеньорлор» категориясында Кызыл-Суу айылынан үч спортчу эл аралык аренада өздөрүнүн мүнөзүн, тажрыйбасын жана жоокердик рухун көрсөтө алышты.
Алардын арасында:
1-орун — Залкар Нурланов 80 кг салмак категориясында;
Эки күн бою улантылган сол жана оң кол менен болгон катаал беттештердин жыйынтыгы боюнча:
1-орун — «сеньорлор» арасында Залкар Нурланов;
ошондой эле 1-орун — юниорлор арасында Залкар Нурланов.
«Бир спортчу эки категорияда алтын медальды алганы — бул тырышчаак эмгектин, катуу тартиптин жана чыныгы спорттук мүнөздүн жыйынтыгы», - деп белгиледи Р. Абдыбек уулу.
Ошондой эле:
2-орун — ДМЧА боюнча Жаныбек Абдыкадыров;
2-орун — юниорлор арасында Элмирбек Муканбетов 60 кг салмак категориясында.
«Бул беттештер жөн гана мелдештер эмес — бул мекендин намысы үчүн чыныгы күрөш болду. Чет өлкөгө чыгуудагы жалгыз кыйынчылык — финансылык маселелер. Бирок балдардын аракеттери мыкты: алар күн сайын машыгууларга келишет», - деп белгиледи машыктыруучу.
