27-мартта кыргызстандык балбан Айпери Медет кызы Ташкентте өтө турган PWL турнирына катышат.
Уюштуруучулардан алынган маалыматка ылайык, анын атаандашы Япониянын олимпиада чемпиону Юки Кагами болот. Бул спортчулар буга чейин төрт жолу күрөшүшүп, учурда алардын кармашы тең эсепте — 2:2.
Алардын акыркы жолугушуусу 2023-жылы дүйнө чемпионатынын финалында болуп, анда жеңиш япон спортчусуна ыйгарылган.
Юки Кагами 2024-жылы Парижде өткөн Олимпиада оюндарынын алтын медалын жеңип алганын белгилеп өтүү керек. Айпери Медет кызы ошол эле оюндарда 5-орунду ээлеп, андан кийин Азия чемпиону жана Ислам оюндарынын чемпиону болуп, дүйнө чемпионатында күмүш медаль жеңип алган.
