Жаш спортчунун машыктыруучусу Чынгыз Жамаловдун маалыматы боюнча, 25-мартта Бишкекте Каба уулу Кожомкул атындагы Спорт сарайында Кыргыз ССРинин эмгек сиңирген машыктыруучусу жана СССРдин спорт чебери Раджап Жанаевдин эскерүүсүнө арналган эркин күрөш боюнча эл аралык турнир өттү. Бул мелдеште Байэл Рысбеков коло медаль утту.
«Бул турнир 29 жылдан бери өтүп келет. Анда Казакстан, Өзбекстан жана Кыргызстан сыяктуу ар кандай өлкөлөрдөн келген жаш балбандар катышты. Мен мелдешке жети тарбиялануучумду алып бардым. 17 жашка чейинки категорияда Байэл Рысбеков үчүнчү орун үчүн Өзбекстандык атаандашы менен беттешип, жеңишке жетти. Ошондой эле, Байэл буга чейин бир нече эл аралык турнирлерде алтын медалдарды утканын белгилеп өтүү керек», — деди машыктыруучу Жамалов.
