Бишкекте Кыргыз Республикасынын туризмди өнүктүрүү фондунун жана мэриянын цифралдык технологиялар борборунун ортосунда өз ара түшүнүшүү меморандуму кол коюлду. Бул тууралуу фонддун билдирүүсүндө айтылат.
Бул документтин максаты туристтер үчүн цифралдык чечимдерди киргизүү. Иштин негизги багыттары саякатчыларды ташуу, цифралдык навигация, туристтик маршруттарды шаардык системалар менен интеграциялоо, ошондой эле туристтердин агымдарын талдоо болот.
Бул кызматташтыктын алкагында туристтер үчүн жаңы цифралдык кызматтарды иштеп чыгуу, навигациялык жана маалыматтык чечимдерди киргизүү, маршруттарды «акылдуу шаар» системасы менен интеграциялоо, ошондой эле биргелешкен пилоттук долбоорлорду ишке ашыруу пландалууда.
Фонд бул келишимдин борбордо жеткиликтүү жана ыңгайлуу туристтик инфраструктураны түзүүдө маанилүү кадам болоорун, анын цифралдаштырылышын камсыз кыларын белгиледи.
