Ак-Турпак айыл өкмөтүнүн жетекчилиги үлүштүү (стимулдаштыруучу) грант боюнча финансылык жардам алуу үчүн арыз берди.
«Ачык бюджет» порталында маалымдалгандай, жергиликтүү бюджеттен 2025-жылга карата 380 миң 373 сомдук өз каражаттары каралган, ал эми үлүштүү (стимулдаштыруучу) грантка муктаждык 1 млн 900 миң сомду түзөт.
Маселени сүрөттөө:
«Жаны-Жер айылындагы «Алтын-Ай» балдар бакчасынын имараты канааттандырарлык эмес абалда. Имараттын начар абалы билим берүү процессинин сапатына терс таасирин тийгизип, тарбиячылар жана балдар үчүн күнүмдүк иштөө үчүн жетиштүү шарттарды түзбөй жатат. Оңдолбошу балдар бакчасынын толук кандуу иштөөсүнө тоскоол болуп, айылдагы мектепке чейинки билим берүүнүн сапатына таасир этет. Имараттын чатыры алмаштырууну талап кылат, анткени жамгыр жааганда суу тамчылап жатат».
