Шайлоонун жүрүшүндө 34 өлкөдөгү 89 шаарда 100 участок ачылган. Добуш берүүнүн аякташы убакыт зоналарынын айырмачылыгына байланыштуу ар кандай убакта болду. Бардык чет өлкөдөгү шайлоо участокторунун расмий иши Бишкектин убактысы боюнча 1-декабрда саат 10:00дө аяктады. Акыркы болуп Америка Кошмо Штаттарындагы участоктор жабылды: Филадельфияда, Чикагода, Вашингтондо, Нью-Йоркте, ал эми эң акыркысы Сан-Францискодо.
ТИМ бардык кыргызстандыктарга шайлоого активдүү катышканы үчүн ыраазычылык билдирди, ошондой эле шайлоо комиссияларынын мүчөлөрүнө жана элчиликтердин кызматкерлерине чет өлкөдөгү мекендештердин шайлоо укуктарын камсыздоодогу тырышчаак жана жоопкерчиликтүү иштери үчүн ыраазычылык айтты.
