Анын маалыматына ылайык, Ош шаарында 105 шайлоо участкасы ачылган, анда 162 миңден ашык шайлоочу катталган. Ош облусунун аймагында 513 участок иштеп жатат, алардын 3ү — дистанциялык. Региондогу шайлоочулардын жалпы саны 962 миңден ашык адамды түзөт.
№5316 участоктун шайлоо комиссиясынын төрайымы Динара Абдиева шайлоого даярдык толугу менен жүргүзүлгөнүн жана добуш берүү убагында башталганын айтты. «Ар дайымкыдай, участок саат 08:00дө мамлекеттик гимнди аткаруу менен ачылды. Бизде 1 миң 465 шайлоочу катталган. Жаңы өзгөртүүлөргө ылайык, дистанциялык добуш берүү мүмкүнчүлүгү пайда болду, жана жарандар активдүү келип башташты», - деп билдирди ал.
