Жергиликтүү тургундардын маалыматына ылайык, кээ бир участктарда кичине техникалык көйгөйлөр катталган. Баткен районунун жана Баткен шаарындагы Борбордук шайлоо комиссиясынын атайын өкүлү Алишер Колдошов, көйгөйлөрдү ыкчам чечүү үчүн атайын техникалык топтор түзүлгөнүн белгиледи.
«Ар бир топ 5-6 участканы көзөмөлдөйт. Эгерде көйгөйлөр пайда болсо, адистер дароо жерине чыгып, маселени чечишет. Азырынча олуттуу көйгөйлөр катталган жок», - деп кошумчалады ал.
Баткен облусунда катталган шайлоочулардын жалпы саны 355 миң 192 адамды түзөт.
Кадамжай районунда шайлоочулар №8123 жана №8124 участктарында, Кызыл-Булак жана Тамаша айылдарында жайгашкан, жабдыктын ишинде 20 мүнөттөй үзгүлтүккө учурагандыгын билдиришти.
Участкалык шайлоо комиссиясынын төрагасы жабдык нормалдуу режимде иштеп жатканын маалымдады.
