БШКнын маалыматына ылайык, аймактык шайлоо комиссияларына участкалык шайлоо комиссияларынын курамын түзүү тапшырылды.
«Мамлекеттик структуралар жана жергиликтүү өз алдынча башкаруу органдары алыстан добуш берүү участокторуна жайларды берүүдө жардам бериши керек, ошондой эле аларды электр энергиясы, байланыш каражаттары жана зарыл жабдыктар менен камсыз кылууну кепилдеши зарыл. Аймактык комиссиялар ошондой эле шайлоочулар арасында алыстан добуш берүү участоктору боюнча түшүндүрүү иштерин жүргүзүүгө милдеттүү», — деп айтылат билдирүүдө.
