Төрага шайлоолору жашыруун добуш берүү форматында өттү.
Профиль комитеттеринин төрага орун басарлыгына талапкерлер депутаттык топтор тарабынан сунушталды.
Комитеттердин төрага орун басарлары болуп төмөнкү Жогорку Кеңештин депутаттары шайланды:
- Гульнара Акимбаева, Венера Салямова жана Кубанычбек Самаков Конституциялык мыйзам чыгаруу, мамлекеттик түзүлүш, жергиликтүү өз алдынча башкаруу жана Регламент боюнча комитеттин төрага орун басарлары болуп дайындалды;
- Чолпон Эсенаманова, Жылдыз Садырбаева жана Ырысбек Атажанов Эл аралык иштер, коргоо, коопсуздук жана миграция боюнча комитеттин төрага орун басарлары болуп шайланышты;
- Алишер Козуев, Умбеталы Кыдыралиев жана Азизбек Турсунбаев Агрардык саясат, суу ресурстары, жер казынасын пайдалануу, экология жана айлана-чөйрөнү коргоо боюнча комитеттин төрага орун басарлары болуп дайындалды;
- Болот Сагынаев, Гулшаркан Култаева жана Санталат Аманова Илими, билим берүүнү, инновациялык өнүктүрүүнү, маалыматтык технологияларды, маданиятты, спортту жана жаштар иштери боюнча комитеттин төрага орун басарлары болуп дайындалды;
- Талайбек Масабиров, Бахридин Шабазов жана Бакыт Чомоев Өнөр жай саясаты, транспорт, отун-энергетикалык комплекс, архитектура жана курулуш боюнча комитеттин төрага орун басарлары болуп шайланышты;
- Жумабек Салымбеков, Камила Талиева жана Жаныбек Абиров Финансылар, бюджет, ишкердик жана атаандаштыкты өнүктүрүү боюнча комитеттин төрага орун басарлары болуп дайындалды;
- Суйунбек Омурзаков, Улукбек Узакбаев жана Алтынбек Кылычбаев Сот-укуктук маселелер, укук тартиби, кылмыштуулукка каршы күрөш жана коррупцияга каршы күрөш боюнча комитеттин төрага орун басарлары болуп дайындалды;
- Гулкан Молдобекова, Гулнара Баатырова жана Карыбек уулу Улукбек Эмгек, саламаттык сактоо, аялдар иштери жана социалдык маселелер боюнча комитеттин төрага орун басарлары болуп дайындалды.
Мындан тышкары, депутаттар профиль комитеттеринин курамын бекитти.
