Курулуш министрлигинин маалыматына ылайык, бул мектеп 1968-жылы курулган жана ошол убактан бери капиталдык ремонт жүргүзүлгөн эмес.
Капиталдык ремонттун иштери 2024-жылы республикалык бюджеттин каражаттары менен башталды. Учурда имаратты толук жаңылоо иштери жүргүзүлүүдө. Проекттин алкагында ички жана тышкы жайлар жаңыланат, ошондой эле жарык берүү жана жылуулук системалары алмаштырылат.
Мектеп 524 окуучуну кабыл алат. Бардык иштер аяктагандан кийин бул жерде болжол менен 1000 окуучу билим ала алышат.
